Erfiðleikar Manchester United á tímabilinu hafa ekki farið framhjá mörgum en liðið tapaði gegn Liverpool í dag.
United er í sjötta sæti deildarinnar þessa stundina og er heilum 19 stigum á eftir toppliði Liverpool.
Þetta er versta byrjun United í heil 28 ár en liðið hafnaði í öðru sæti deildarinnar á síðustu leiktíð.
Það tryggði liðinu sæti í Meistaradeildinni og mun liðið leika í 16-liða úrslitunum í febrúar.
United er aðeins með 26 stig eftir fyrstu 17 leikina sem hefur ekki gerst frá árinu 1991.
Þá náði United einnig í 26 stig úr 17 leikjum og ljóst er að liðið verður ekki í titilbaráttu þegar deildinni lýkur í maí.
26 – Manchester United have picked up 26 points after their first 17 Premier League games; their worst points haul in the top-flight at this stage since 1990-91 (also 26 points). Dip. pic.twitter.com/FI2avHKq1D
— OptaJoe (@OptaJoe) 16 December 2018