Roy Keane, fyrrum leikmaður Manchester United, er ekki sannfærður um lið Arsenal undir stjórn Unai Emery.

Arsenal hafði ekki tapað í 22 leikjum í röð fyrir leik gegn Southampton í dag sem tapaðist 3-2 á St. Mary’s.

Þrátt fyrir mjög gott gengi undanfarnar vikur þá er Keane ekki viss um að það gefi rétta mynd af liði Arsenal.

Keane virðist vera á því máli að Arsenal hafi verið heppið með leiki og nú mun liðið fá heldur erfiðara verkefni.

,,Ég er ekki sannfærður. Það eru nokkur meiðsli í vörninni en það er enn ekki hægt að dæma þá ennþá og það eru erfiðir leikir framundan,“ sagði Keane.

,,Lucas Torreira hefur staðið sig vel. Hann hefur byrjað vel en nú er veturinn framundan.„