Framherjinn Óttar Magnús Karlsson hefur krotað undir samning við lið Mjallby í Svíþjóð.

Þetta staðfesti félagið í dag en Óttar kemur til félagsins frá Molde þar sem lítið gekk upp.

Milos Milojevic er þjálfari Mjallby en hann vann áður með Óttari hjá Víkingi Reykjavík hér heima.

Óttar er aðeins 21 árs gamall og þykir mikið efni en hann var áður í akademíu hollenska liðsins Ajax.

Óttar á að baki fimm landsleiki fyrir Ísland og gerir tveggja ára samning við Mjallby sem mun leika í næst efstu deild í Svíþjóð á næstu leiktíð.

Gísli Eyjólfsson er einnig kominn til Mjallby frá Breiðabliki en hann var lánaður þangað á dögunum.