Gary Neville, fyrrum leikmaður Manchester United, segir að félagið hafi gert mistök í byrjun árs.

Félagið ákvað þá að gefa Jose Mourinho nýjan samning en gengi United var mjög gott fyrir síðustu jól.

Neville segir að það hafi verið lélegt að gefa Mourinho nýjan samning svo snemma og nú er hann með alla stjórn hjá félaginu.

,,Síðan á fyrsta degi á undirbúningstímabilinu hefur þetta verið í rugli, í algjöru rugli,“ sagði Neville.

,,Um leið og Jose Mourinho lét sjá sig á undirbúningstímabilinu þá var hægt að sjá það, hann var að spila leiki.“

,,Félagið þurfti að taka stjórn þá en það var of seint því þeir gáfu honum nýjan samning í janúar.“

,,Þegar Jose Mourinho tekur við liði þá skilar það yfirleitt árangri á fyrstu 12-18 mánuðunum.“

,,Þeir unnu tvo bikara, þeir voru í öðru sæti um síðustu jól og hann náði að sannfæra stjórnina til að gefa sér nýjan samning sem gefur honum stjórn og völd.“