Jose Mourinho, stjóri Manchester United, horfði á sína menn tapa gegn Liverpool á Anfield í dag.
Mourinho og félagar voru inni í leiknum eftir fyrri hálfleikinn en staðan var þá jöfn, 1-1.
Í síðari hálfleik kom Xherdan Shaqiri við sögu hjá Liverpool og skoraði tvö mörk til að tryggja liðinu 3-1 sigur.
Mourinho var sérstaklega hrifinn af einum leikmanni Liverpool í dag og ekki var það Shaqiri.
,,Ég er ennþá þreyttur frá því að hafa horft á Andy Robertson. Hann tók 100 metra spretti á mínútu fresti. Það var ótrúlegt,“ sagði Mourinho.
Robertson átti flottan leik í vinstri bakverði fyrir heimamenn en hann er orðinn fastamaður undir Jurgen Klopp.