Jose Mourinho á tvo mjög góða félaga í ensku úrvalsdeildinni en hann þekkir flesta þjálfara deildarinnar vel.
Mourinho hefur þó nefnt tvo þjálfara sem hann nær vel saman við en það eru þeir Nuno og Marco Silva.
Nuno er þjálfari Wolves og hefur gert góða hluti en hann var leikmaður Mourinho hjá Porto á sínum tíma.
Silva var ráðinn þjálfari Everton í sumar en hann er einnig portúgalskur og er vinur Mourinho.
,,Nuno var leikmaður hjá mér og við áttum fínt samband. Ég hef þekkt Marco í mörg ár, hann er góður náungi,“ sagði Mourinho.
