Paul Pogba verður ekki leikmaður Manchester United á næstu leiktíð ef marka má orð fyrrum leikmanns félagsins, Roy Keane.
Keane var í setti Sky Sports í dag er United mætti Liverpool í ensku úrvalsdeildinni og tapaði 3-1.
Pogba spilaði ekki mínútu í leiknum í dag en hann er ekki fyrstur á blað hjá Jose Mourinho þessa stundina.
,,Dagar Paul Pogba hjá Manchester United eru taldir, hann verður ekki seldur í janúar en hann mun horfa annað,“ sagði Keane.
,,Þetta er ekkert stórmál, hann hefur yfirgefið United áður. Ef þú værir frá tunglinu og vissir ekkert um fótbolta þá myndirðu segja að United væri miðlungslið.“
,,Það er ekki meira en það. Þeir eru Manchester United frá árinu 1980. Þeir geta staðið sig ágætlega í útsláttarkeppnum.“
Keane var svo spurður út í það hvort United gæti endað í fjórða sætinu og var svar hans: ,,Ekki séns.“