N’Golo Kante, leikmaður Chelsea, hefur sinnt öðruvísi hlutverki á þessu tímabili hjá félaginu en hann spilar framar á vellinum.
Kante var mjög aftarlega á miðjunni á síðustu leiktíð en hann sá yfirleitt um að stöðva sóknir andstæðinganna frekar en að sækja fram völlinn.
Hann tekur mun meiri þátt í sóknarleik Chelsea undir stjórn Maurizio Sarri, eitthvað sem hann hefur gaman að.
,,Ég er ekki með neitt sérstakt markmið en í þessari stöðu þá fæ ég mörg færi og þegar tækifærið gefst þá gerir það mig ánægðan að skora og ég vona að mörkin verði fleiri,“ sagði Kante.
,,Þessi staða breytir ekki öllu. Ég veit að ég þarf að vinna mikið í þessari stöðu en ég nýt þess að spila þarna.“
,,Ég get tekið meiri þátt í sóknarleiknum og fæ að gera það. Ég veit þó að ég þarf að halda áfram að vinna og bæta mig.“