Leikmenn Manchester United ættu að hætta að hlusta á þjálfara sinn, Jose Mourinho eftir slæmt gengi á tímabilinu.

Þetta segir Martin Keown, fyrrum leikmaður Arsenal en hann er ekki hrifinn af liðinu í dag.

United mætir Liverpool á morgun á Anfield og hefur Keown áhyggjur fyrir þann leik.

,,Þetta eru sumar af verstu frammistöðum United sem ég hef séð í 25 ár,“ sagði Keown.

,,Þeir eru þarna svo þú getir tekið stig af þeim – Þessir leikmenn þurfa nánast að hætta að hlusta á þjálfarann.“

,,Ef þetta er eins og þeim er sagt að spila þá eru leikmennirnir einir – Þetta er óþekkjanlegt lið.“