Cristiano Ronaldo mætir fyrir rétt á Spáni í janúar vegna þess að hann sveik undan skatti.
Ronaldo skaut tæpum 15 milljónum evra undan skatti frá 2011 til ársins 2014 þegar hann lék með Real Madrid.
Líklegt er að Ronaldo muni fá tveggja ára skilorðsbundinn dóm, hann mun því ekki sitja inni.
Ef Ronaldo brýtur lög og reglur í tvö ár eftir dóminn þá þarf hann hins vegar að skella sér í steininn.
Ronaldo býr á Ítalíu í dag og mun því halda sig frá Spáni eflaust til að koma sér ekki í klandur.
