Neil Warnock, stjóri Cardiff, var bálreiður í dag eftir 3-2 tap gegn Watford í ensku úrvalsdeildinni.
Andy Madley sá um að dæma leikinn á Vicarage Road en þetta var hans fyrsti leikur á tímabilinu.
Andre Marriner var fjórði dómari í leiknum í dag, eitthvað sem Warnock var alls ekki sáttur með.
,,Troy Deeney átti að fá spjald fyrir tæklingu á markvörðinn okkar,“ sagði Warnock við Sky Sports.
,,Þetta er reynslulaus dómari og hann var að dæma sinn fyrsta leik. Andre Marriner sat við hliðina á mér. Þetta er til skammar.“
,,Af hverju er verið að nota okkur sem tilraunadýr? Þetta var lélegt í dag. Reynslumeiri dómari hefði gert eitthvað í þessari stöðu.“