Chris Smalling skrifaði í dag undir nýjan samning við Manchester United á Englandi.
United staðfesti þessar fréttir í kvöld en Smalling gerði samning til ársins 2022 og er því bundinn næstu þrjú árin.
Þessi 29 ára gamli leikmaður kom til United frá Fulham árið 2010 og hefur spilað yfir 300 leiki.
Jose Mourinho, stjóri United, var mjög ánægður með fréttirnar en hann vildi mikið halda varnarmanninum.
,,Ég er mjög ánægður með að Chris hafi skrifað undir nýjan samning,“ sagði Mourinho.
,,Chris hefur verið hjá félaginu í mörg ár og er nú einn af mikilvægustu eldri leikmönnunum.“
