Liverpool á Englandi hefur staðfest það að hinn efnilegi Ovie Ejaria sé snúinn aftur til félagsins.

Ejaria var lánaður til Rangers fyrir tímabilið en Steven Gerrard, fyrrum leikmaður Liverpool, er stjóri Rangers.

Það hefur þó gengið erfiðlega hjá Ejaria í Skotlandi en honum tókst þó að leika 14 leiki á tímabilinu.

Þessi 21 árs gamli leikmaður var hjá Sunderland á síðustu leiktíð þar sem hann lék 11 leiki.

Hann á að baki tvo deildarleiki fyrir aðallið Liverpool og hefur samtals komið við sögu átta sinnum.

Tækifærin voru að verða fá hjá Rangers og ákváðu félögin að það væri best fyrir Ejaria að snúa aftur til Liverpool.