Þeir Frank Lampard og Steven Gerrard þekkjast vel en þeir voru á sínum tíma samherjar í enska landsliðinu.

Báðir hafa lagt skóna á hilluna í dag og reyna fyrir sér í þjálfun þar sem hlutirnir ganga nokkuð vel.

Lampard stýrir Derby í ensku Championship-deildinni og Gerrard er stjóri Rangers í Skotlandi.

Samkvæmt fréttum kvöldsins munu þeir tveir berjast um miðjumanninn Glen Kamara næsta sumar.

Kamara er samningsbundinn Dundee í Skotlandi en verður samningslaus í sumar og má fara annað frítt.

Hann hefur staðið sig mjög vel í Skotlandi og eru nokkur lið sem hafa áhuga á að fá hann í sínar raðir.

Þar á meðal Lampard og Gerrard og ljóst er að baráttan um þennan 23 ára gamla leikmann verður hörð.