,,Ég veit það ekki, það fer eftir því hvernig þú nálgast hlutina,“ sagði Jose Mourinho stjóri Manchester United um það hvort að titlar skiptu máli hjá stjórum stórliða.
Umræðan á sér stað degi fyrir leik liðsins við Liverpool, Mourinho hefur unnið þrjá titla með United á meðan Klopp hefur ekki unnið neitt hjá Liverpool.
Liverpool virðist hins vegar vera á miklu betri stað í dag til að vinna bikara en lærisveinar Jose Mourinho.
,,Ég held að titlar skipti máli, þeir gera það, sérstaklega þegar þú ert með lið til að berjast um slíka. Líka þegar markmiðið þitt er að vinna titla.“
Eftir svö Mourinho var Klopp spurður að þessu sama. ,,Verð ég að vinna titla?,“ svaraði Klopp.
,,Fólk gæti haldið það en ég er bara að gera það besta miðað við það sem félagið gefur mér, ég trúi á þá hugmyndafræði.“
,,Ef fólk segir að árangur okkar í Meistaradeildinni í fyrra, við töpuðum í úrslitum, sé ekki góður árangur, þá get ég ekkert gert í því. Vegferð okkar þar gerði mikið fyrir mig.“