Neil Warnock, stjóri Cardiff City, hefur staðfest það að félagið hafi áhuga á bakverðinum Nathaniel Clyne.
Clyne fær ekkert að spila hjá Liverpool í dag og gæti verið fáanlegur í janúarglugganum.
Warnock þjálfari Clyne hjá Crystal Palace á sínum tíma og gæti nú reynt að semja við leikmanninn á ný.
,,Ég þekki Nathaniel mjög vel. Ég gaf honum fyrsta leikinn hjá Crystal Palace,“ sagði Warnock.
,,Liverpool er þó að glíma við mörg meiðsli og þeir verða að passa sinn hóp.“
,,Clyne er einn af þeim sem væri á okkar lista, já. Við erum að skoða það að styrkja þessa stöðu.“