Það fer fram stórleikur á sunnudaginn er Manchester United heimsækir Liverpool í ensku úrvalsdeildinni.
Það verður erfitt fyrir United að mæta á Anfield en Liverpool er taplaust á tímabilinu og í efsta sæti deildarinnar.
Þeir Gary Neville og Jamie Carragher spiluðu þessa viðureign ófáum sinnum á ferlinum en þeir starfa saman hjá Sky Sports í dag.
Þeir gátu verið sammála um eitt fyrir leik helgarinnar, það að það sé alltaf erfitt að spila á Anfield.
,,Að mínu mati var andrúmsloftið alltaf betra á Anfield. The Kop þegar þú kemur út og heyrir ‘You’ll Never Walk Alone’ og allt það,“ sagði Carragher.
Neville var sammála kollega sínum um að það væri erfitt að spila á Anfield og það tók hann nokkur ár að venjast því.
,,Andrúmsloftið og tilfinniningarnar.. Það tók mig nokkur ár að venjast því að spila á Anfield. Nokkur ár,“ sagði Neville.