Það var boðið upp á hörkuleik í Ungverjalandi í kvöld er lið MOL Vidi tók á móti Chelsea í Evrópudeildinni.
Vidi átti möguleika á að komast í 32-liða úrslit með sigri en þurfti að treysta á að PAOK myndi sigra BATE Borisov.
Leikmenn Vidi gáfu sig alla í verkefnið í kvöld í leik sem lauk með 2-2 jafntefli. Bæði mörk Chelsea komu beint úr aukaspyrnu.
Sigur hefði þó ekki hjálpað Vidi þar sem BATE vann PAOK með þremur mörkum gegn einu á útivelli.
Arnór Ingvi Traustason og félagar í Malmö eru á leið í 32-liða úrslit eftir frábæran sigur á Besiktas.
Malmö vann leikinn 1-0 í Tyrklandi og spilaði Arnór 75 mínútur. Ricardo Quaresma fékk beint rautt spjald hjá Besiktas á 65. mínútu leiksins.
Jón Guðni Fjóluson og félagar í Krasnodar eru þá einnig á leið í næstu umferð þrátt fyrir 3-0 tap gegn Sevilla.
Standard Liege mistókst að leggja lið Akhisarspor á sama tíma og endar Krasnodar í öðru sæti riðilsins.
MOL Vidi 2-2 Chelsea
0-1 Willian(30′)
1-1 Ethan Ampadu(sjálfsmark, 32′)
2-1 Loic Nego(57′)
2-2 Olivier Giroud(75)
Besiktas 0-1 Malmö
0-1 Marcus Antonsson(51′)
Sevilla 3-0 Krasnodar
1-0 Wissam Ben Yedder(5′)
2-0 Wissam Ben Yedder(10′)
3-0 Ever Banega(víti, 49′)
