Riðlakeppni Meistaradeildar Evrópu lauk í gær. Manchester United tókst ekki að tryggja sér efsta sætið í riðli H í Meistaradeild Evrópu. United heimsótti spænska liðið Valencia í hörkuleik á Mestalla vellinum en þurfti að sætta sig við 2-1 tap.
United gat tryggt sér efsta sætið með sigri en Juventus tapaði á sama tíma gegn Young Boys. Bæði lið fara þó áfram. Manchester City lagði Hoffenheim 2-1 á Etihad vellinum. City lenti undir en kom til baka og fagnaði að lokum sigri eftir tvö mörk frá Leroy Sane.
Það er Lyon sem fer áfram ásamt City í næstu umferð en þeir frönsku gerðu 1-1 jafntefli við Shakhtar Donetsk í Úkraínu sem reyndist nóg. Bayern Munchen og Ajax gerðu þá 3-3 jafntefli í Hollandi en það var boðið upp á ótrúlega skemmtun.
Bayern kom til baka undir lok leiksins eftir að hafa verið 2-1 undir og var með 3-2 forystu er uppbótartíminn hófst. Á 96. mínútu leiksins tókst Nicolas Tagliafico að jafna fyrir Ajax og lokastaðan 3-3 í stórskemmtilegum leik. Bæði lið eru komin í næstu umferð.
Á þriðjudag tryggðu Liverpool og Tottenham sig áfram en ensku liðin fá erfiða leiki í næstu umferð. Manchester City gæti fengið Atletico Madrid en annars fær riðil góðan drátt.
Liverpool, United og Tottenham fá að öllum líkindum mjög erfiða leiki, öll þessi þrjú lið eiga sér þó draum um að fá Porto.
