Riðlakeppni Meistaradeildar Evrópu lauk í gær. Manchester United tókst ekki að tryggja sér efsta sætið í riðli H í Meistaradeild Evrópu. United heimsótti spænska liðið Valencia í hörkuleik á Mestalla vellinum en þurfti að sætta sig við 2-1 tap.
United gat tryggt sér efsta sætið með sigri en Juventus tapaði á sama tíma gegn Young Boys.
Marcus Rashford skoraði mark United seint í leiknum og stuðningsmenn Valencia höfðu gaman af.
Þeir klöppuðu fyrir þessu enska ungstirni þegar hann skoraði og hann kunni að meta það.
Rashford þakkaði fyrir sig eftir leik og labbaði um völlinn og klappaði fyrir öllum stuðningsmönnum Valencia.
Mestalla völlurinn er sögufrægur völlur en einnig var vel tekið á móti Juan Mata, fyrrum leikmanni félagsins.