Brasilíumaðurinn Ronaldo er að reyna að lokka vængmanninn Vinicius Junior til Real Valladolid.
Ronaldo er eigandi Valladolid í dag en hann er einnig fyrrum leikmaður Real Madrid þar sem Vinicius spilar.
Ronaldo á 51 prósent í Valladolid en hann ætlar sér stóra hluti með félagið á næstu árum.
Vinicius er gríðarlegt efni en hann er aðeins 18 ára gamall og kom til Real frá Brasilíu í byrjun árs.
,,Ég hef spurt Florentino Perez um hvort ég geti fengið hann en það gæti verið erfitt,“ sagði Ronaldo.
,,Við eigum ekki peningana til að kaupa hann endanlega en auðvitað vil ég sjá hann í Valladolid.“
