Phil Jones hefur ekki þótt standa undir væntingum hjá Manchester United eftir að hafa komið til félagsins árið 2011.
Jones var áður á mála hjá Blackburn og spilaði sinn fyrsta leik hjá félaginu undir stjórn Sam Allardyce.
Allardyce bjóst við miklu af Jones á sínum tíma en hann er 26 ára gamall í dag og hefur ekki náð þeim hæðum sem búist var við.
,,Hann spilaði sinn fyrsta leik gegn Chelsea, hann kom inná og var valinn maður leiksins er hann þurfti að dekka Didier Drogba. Leikurinn endaði 1-1,“ sagði Allardyce.
,,Hann leit út fyrir að vera frábær leikmaður þegar hann var 18 ára gamall. Meiðsli hafa haft stór áhrif en hann hefði átt að ná mun lengra.“
,,Hann er að spila fyrir eitt stærsta félag heims og þetta var því risastórt félag fyrir hann.“
,,Hann gat valið á milli Manchester City, United, Liverpool, Arsenal eða hvaða liðs sem er. Öll félög voru á eftir honum.“
