Darren Fletcher, fyrrum leikmaður Manchester United, segir að liðið þurfi að kaupa sinn eigin Virgil van Dijk.
Van Dijk hefur verið öflugur fyrir Liverpool síðustu mánuði eftir að hafa komið frá Southampton.
Fletcher er viss um að United sé með góða hafsenta en það vantar enn leiðtoga í hjarta varnarinnar.
,,Það er enginn vafi um það að sumir varnarmenn United eru með gæðin en þeir þurfa leiðtoga til að spila með,“ sagði Fletcher.
,,Leikmaður í topp klassa eins og Virgil van Dijk hefur bætt aðra leikmenn í kringum sig hjá Liverpool.“
,,Þegar hann er ekki þarna þá er hægt að setja spurningamerki við vörnina og það er munurinn.“
