Trent Alexander-Arnold, leikmaður Liverpool, verður ekki með gegn Manchester United um helgina.
Enskir miðlar greina frá þessu í kvöld en bakvörðurinn er að glíma við meiðsli í fæti eftir sigur á Napoli.
Þessi 20 ára gamli leikmaður er orðinn fastamaður í liði Liverpool undir stjórn Jurgen Klopp og er einnig partur af enska landsliðinu.
Samkvæmt fréttum kvöldsins verður hann hins vegar fjarri góðu gamni í stórleik helgarinnar.
Þeir Joel Matip og Joe Gomez eru einnig meiddir og geta ekki spilað leikinn á Anfield.
Klopp vill ekki taka áhættuna með Alexander-Arnold en mikið leikjaálag er framundan á Englandi.