Valur hefur staðfest sölu sína á Patrick Pedersen til Moldavíu, fimm mínútum eftir frétt 433.is um málið.
FC Sheriff Tiraspol hefur fest kaup á Pedersen sem stóðst læknisskoðun hjá félaginu.
Um er að ræða lang stærsta félagið í Moldavíu en félagið hefur meðal annars tekið þátt í riðlakeppni Meistaradeildarinnar.
Pederen var besti leikmaður Vals í sumar þegar liðið varð Íslandsmeistari annað árið í röð, þessi danski sóknarmaður skorðaði 17 mörk í 21 leik í deildinni.
Valsmenn fengu Garðar Gunnlaugsson til félagsins á dögunum. Óttar Magnús Karlsson sem er í eigu Molde hefur æft með Val síðustu daga samkvæmt heimildum 433.is, möguleiki er á að Óttar komi aftur til Íslands en hann var á láni hjá Trelleborg í Svíþjóð á þessu ári.
Patrick Pedersen seldur til FC Sheriff
Knattspyrnufélagið Valur og FC Sheriff hafa komist að samkomulagi um kaup þess síðarnefnda á leikmanni Vals, Patrick Pedersen. Knattspyrnufélagið Valur
óskar Patrick Pedersen velfarnaðar. #valurfotbolti #valur #fotboltinetrt #pepsideildin pic.twitter.com/ZusRAOsARd— ValurFotbolti (@Valurfotbolti) December 12, 2018