Yaya Toure var á dögunum leystur undan samningi hjá gríska stórliðinu Olympiakos.
Toure samdi aðeins við Olympiakos fyrir þremur mánuðum og tókst aðeins að spila fimm leiki.
Toure var frábær fyrir lið Manchester City á sínum tíma og vann deildina á Englandi til að mynda þrisvar.
Hann er 35 ára gamall í dag en samkvæmt umboðsmanni hans er hann á leið aftur í úrvalsdeildina.
,,Það eru mörg lið sem hafa áhuga í Arabíu en einnig lið í Asíu. Þetta eru risa tilboð,“ sagði Dimitri Seluk, umboðsmaður Toure.
,,Það er þó líklegast að Yaya fari aftur í úrvalsdeildina. Draumur hans er að koma því í gegn. Hann vill snúa aftur og ég held að það sé hægt að gera það.“