Leroy Sane, leikmaður Manchester City, skoraði stórbrotið mark í kvöld er liðið mætti Hoffenheim.
Leikurinn er enn í gangi en nú var verið að flauta fyrri hálfleikinn af. Staðan er 1-1 í Manchester.
Andrej Kramaric kom Hoffenheim yfir á 16. mínútu en hann skoraði þá úr vítaspyrnu.
Á síðustu sekúndum fyrri hálfleiksins þá jafnaði Sane metin fyrir City með mögnuðu marki.
Vængmaðurinn smellhitti boltann úr aukaspyrnu af löngu færi og hafnaði knötturinn í netinu.