Eladio Parames, náinn vinur Jose Mourinho stjóra Manchester United segir að stjórinn hafi aldrei viljað fá Paul Pogba til Manchester United.

Þeir félagar eiga ekki skap saman em Pogba er sterk markaðsvara sem hefur gefið United vel í aðra hönd.

Parames starfaði með Mourinho á árum áður og er vinasamband þeirra gott.

,,Að sjálfsögðu er margir sem spyrja sig hvort yfirmennirnir hafi ekki vitað hvernig persónuleiki hann er, jú er svarið,“ segir Parames

,,Stundum er ástæða fyrir kaupum á leikmönnum, stjórinn tekur ekki alltaf ákvörðunina, það er áhætta í svona.“

,,Pogba er mjög góð markaðsvara, það góð að Manchester United fékk peningana sem félagið lagði út fyrir honum á sex mánuðum,“ sagði Parames en United borgaði Juventus 89 milljónir punda fyrir hann.

,,Án þess að hafa menn í skítavinnu eins og Matuidi og Kante þá er hann gagnslaus innan vallar.“