Jose Mourinho stjóri Manchester United hefur ekki náð að virkaj Paul Pogba, svo að stjarna liðsins skíni.

Pogba virkar oftar en ekki latur þegar hann klæðir sig í treyju félagisns, hann hefur því mátt þola bekkjarsetu í síðustu leikjum.

Pogba verður í byrjunarliði United í kvöld gegn Valencia, leikur sem skiptir litlu máli.

Mourinho var spurður á fréttamannafundi í gær, af hverju hann næði ekki því besta fram í Pogba.

,,Ég held að spurning þín sé ekki á leið í þá átt sem ég vil hlusta á,“ sagði Mourinho.

,,Ég kann ekki vel við þessa spurningu, mér er illa við þá átt sem þú ert að fara í.“