Valur hefur staðfest sölu sína á Patrick Pedersen til Moldavíu. Um er að ræða markahæsta mann Pepsi deildarinnar árið 2018.
FC Sheriff Tiraspol hefur fest kaup á Pedersen sem stóðst læknisskoðun hjá félaginu.
Um er að ræða lang stærsta félagið í Moldavíu en félagið hefur meðal annars tekið þátt í riðlakeppni Meistaradeildarinnar.
Óttar Magnús Karlsson framherji Molde hefur æft með Val á síðustu dögum en ekki er líklegt að hann haldi heim í Pepsi deildina, eins og staðan er í dag.
Samkvæmt heimildum 433.is hefur Valur áhuga á að fá Gary Martin framherja Lilleström. Fótbolti.net hefur einnig sagt frá því.
Gary getur farið frá Lilleström en þessi enski framherji hefur verið á mála hjá KR, ÍA og Víkingi hér á landi.
Martin er þekktur markaskorari í Pepsi deildinni en fleiri lið hafa verið orðuð við enska framherjann.