Virgil van Dijk hefur fengið mikið hrós fyrir sína frammistöðu með Liverpool á þessu tímabili.
Van Dijk kom til Liverpool frá Southampton í byrjun árs og er nú einn allra mikilvægasti leikmaður liðsins.
Ian Rush, fyrrum leikmaður Liverpool, nefnir þó einn varnarmann sem var jafnvel betri en Hollendingurinn.
Rush spilaði með Alan Hansen hjá Liverpool á sínum tíma en hann lék 620 leiki fyrir félagið á 13 árum og vann deildina átta sinnum.
,,Hann á ennþá eftir að gera mikið. Ef Alan Hansen væri að spila í dag þá væri hann óstöðvandi,“ sagði Rush.
,,Jafnvel þegar við vorum að spila þá tæklaði hann aldrei en hann var ótrúlegur á boltanum, hann var eins og miðjumaður.“
,,Ég held þó að Van Dijk og Gomez gætu orðið frábærir. Hver sem spilar með Van Dijk virðist spila vel.“
,,Lovren eða Matip – Van Dijk skipuleggur vörnina og hjálpar liðinu sem heild. Hann hefur verið það góður.“