N’Golo Kante, leikmaður Chelsea, er sérstakur en það er oft talað um að hann sé vinalegasti fótboltamaður heims.
Kante er mjög auðmjúkur og lætur frægðina alls ekki fara með sig. Hann vill þó ekki að fólk sé að fylgjast með því sem hann gerir utan vallar.
Kante segist bara vera hann sjálfur og vill að fólk einbeiti sér að fótboltalegu hliðinni frekar en annað.
,,Ég vil ekki að fólk sé að fylgjast of mikið með því hvernig ég er utan vallar eða hvað ég sé að gera,“ sagði Kante.
,,Horfið á mig sem fótboltamann, þið þurfið ekki að horfa of mikið og segja: ‘Oh, hann er svona, hann er svona og hann er svona.’
,,Spyrjið mig út í fótboltann og ekki of mikið annað. Ég vil bara vera einn af leikmönnunum.“
,,Ég er eins og ég er. Ég get ekki útskýrt það. Mér líður ekki eins og vinalegustu manneskjunni í fótboltanum eða í lífinu. Ég er bara ég sjálfur.“