Paul Ince, fyrrum leikmaður Manchester United, telur að aðeins tveir eða þrír leikmenn liðsins kæmust í byrjunarlið Liverpool í dag.

Þessi tvö lið mætast í ensku úrvalsdeildinni á sunnudag en Liverpool hefur spilað mun betur á þessu tímabili og er í efsta sæti deildarinnar.

,,Þú gætir nefnt markvörðinn en Alisson hefur þó verið frábær og af hverju að breyta til?“ sagði Ince.

,,Ef þú miðar valið við orðspor þá segirðu De Gea en hann hefur gert nokkur mistök á tímabilinu og ef þú horfir á þetta ár þá myndi Alisson byrja.“

,,Anthony Martial kæmist í liðið á hans degi og Paul Pogba. Ef ég horfi hins vegar á liðið núna og leikmenn sem eru í formi að spila í hverri viku þá segi ég ekki Pogba.“

,,Það hræðir mann að það séu kannski tveir eða þrír sem gætu komist í liðið, það er svo mikill munur á liðunum.“