Lucas Torreira er einn vinsælasti leikmaður Arsenal í dag en hann kom til félagsins í sumar.
Unai Emery vildi fá Torreira í sínar raðir en Úrúgvæinn spilaði áður með ítalska félaginu Sampdoria.
Torreira viðurkennir að áhugi Arsenal hafi komið sér á óvart en önnur ítölsk félög höfðu aðeins sýnt honum áhuga.
,,Eftir síðustu leiktíð með Sampdoria þá var talað um mörg félög,“ sagði Torreira við Arsenal Media.
,,Ég gat ekki ímyndað mér að koma hingað til Englands því þetta voru aðallega ítölsk félög.“
,,Áður en ég fór á HM þá fékk ég hringingu frá þjálfaranum og það kom mér mikið á óvart.“
,,Ég vissi að ég hefði unnið fyrir þessu og þetta símtal gerði mig ánægðan. Ég gat slakað á í kjölfarið og einbeitt mér að HM.“
