Antonio Rudiger, leikmaður Chelsea, var hræddur við stjóra liðsins, Maurizio Sarri í síðustu viku.
Rudiger segir að Sarri hafi klikkast eftir 2-1 tap gegn Wolves í miðri viku. Liðið svaraði fyrir sig og vann svo Manchester City 2-1 um helgina.
,,Hann var mjög ógnvekjandi eftir leikinn gegn Wolves,“ sagði Rudiger við blaðamenn.
,,Hann var að missa vitið en það var allt í lagi því við hefðum ekki átt að tapa þessum leik.“
,,Daginn eftir var hann mjög rólegur og skýr. Hann ræddi við okkur og það komst á hreint að við þyrftum að trúa á okkur jsálfa.“
,,Hann vildi sjá okkur fara í leikinn gegn City og leita að sigrinum.“
