Stuðningsmenn Watford eru að leggja leið sína til Liverpool þar sem liðið heimsækir Everton í kvöld.
Í Guttagarði fer fram leikur liðanna klukkan 20:00 en Marco Silva er stjóri Everton.
Silva var rekinn frá Watford í janúar eftir að hafa misst hausinn. Ástæðan var fyrirspurn frá Everton.
Everton vildi fá Silva í nóvember í fyrra og hann fór að hætta að einbeita sér að starfinu í Watford.
Gengi liðsins sem hafði verið gott, hrundi eftir fyrirspurn Everton en Silva vildi taka við af Ronald Koeman.
Watford tók það ekki í mál en rak hann nokkru síðar, Silva tók svo við Everton í sumar.
Stuðningsmenn Watford hugsa ekki fallega til Silva og ætla að mæta með gervi snáka í Guttagarð í kvöld. Þeir telja að Silva hafi ekki verið heiðarlegur við félagið og vilja láta hann vita af því.
