Cristiano Ronaldo, leikmaður Juventus, segir að hann eigi skilið að vinna Ballon d’Or verðlaunin á hverju ári.
Ronaldo hefur unnið þessi verðlaun fimm sinnum á ferlinum en þau eru afhent besta leikmanni heims á hverju ári.
Luka Modric hafði betur í valinu fyrr í mánuðinum en Ronaldo er ekki sammála þeirri niðurstöðu.
,,Að mínu mati á ég skilið að vinna Ballon d’Or á hverju ári. Ég legg mig fram til að ná því,“ sagði Ronaldo.
,,Ef ég vinn ekki þá er það enginn heimsendir. Tölurnar ljúga ekki en ég verð ekkert minna ánægður ef ég vinn ekki.“
,,Ég á frábæra vini og fjölskyldu. Ég spila fyrir eitt besta félag heims, heldur þú að ég fari heim að grenja?“