Það er einn leikur í gangi í ensku úrvalsdeildinni en lið Everton spilar nú við Watford á Goodison Park.
Það var verið að flauta fyrri hálfleikinn af en Everton er með 1-0 forystu í leikhléi.
Það var Richarlison sem skoraði mark Everton á 15. mínútu leiksins eftir sendingu frá Andre Gomes.
Watford-menn eru þó bálreiðir yfir að markið hafi fengið að standa og er það mjög skiljanlegt.
Theo Walcott var langt fyrir innan og vel rangstæður stuttu fyrir mark Richarlison og hafði áhrif á leikinn.
Walcott fékk sendingu frá Gomes og kom við boltann áður en Gomes gaf á Richarlison sem skoraði.