Aurelio De Laurentiis, forseti Napoli á Ítalíu, reyndi að ráða Jurgen Klopp til starfa fyrir fimm árum síðan.
Klopp var þá stjóri Borussia Dortmund í Þýskalandi en hann hafði ekki mikinn áhuga á að fara til Ítalíu.
Klopp og félagar í Liverpool mæta Napoli í Meistaradeildinni á morgun í mikilvægum leik fyrir bæði lið.
Klopp á nóg eftir af samningi sínum hjá Liverpool en hann var spurður út í mögulega brottför til Ítalíu.
,,Ég á ennþá þrjú og hálft ár eftir af samningnum mínum. Ég veit ekki hvort einhver muni vilja mig eftir það,“ sagði Klopp.
,,Ég elska ítalskan mat en ég tala ekki tungumálið. De Laurentiis talar ansi mikið!„