Eden Hazard, leikmaður Chelsea, hefur gefið í skyn að hann sé á leið til Real Madrid næsta sumar.
Hazard er 27 ára gamall vængmaður en hann er mikilvægasti leikmaður Chelsea og hefur verið í nokkur ár.
Hann verður samningslaus sumarið 2020 og hefur enn ekki skrifað undir nýjan samning á Englandi.
Uppáhalds leikmaður Hazard var Zinedine Zidane en hann yfirgaf þjálfarastöðuna hjá Real í sumar. Það breytir þó engu fyrir Belgann.
,,Mér hefur alltaf líkað vel við Real Madrid sem félag, hvort sem Zidane sé þar eða ekki,“ sagði Hazard.
,,Eftir þetta tímabil á ég eitt ár eftir af samningnum hjá Chelsea. Við sjáum til, þetta verður mín ákvörðun.“
