Það eru engar líkur á að Jose Mourinho segi upp hjá Manchester United þrátt fyrir erfitt gengi.

Þetta segir Jorge Mendes, umboðsmaður Mourinho en hann er reglulega orðaður við brottför.

United er í áttunda sæti ensku úrvalsdeildarinnar, heilum 18 stigum á eftir meisturum Manchester City.

Það breytir því ekki að Mourinho er mjög ánægður á Old Trafford samkvæmt Mendes.

,,Það eru sögusagnir um að Mourinho sé á förum frá United en það er alls ekki rétt,“ sagði Mendes.

,,Jose er mjög ánægður hjá félaginu og félagið er ánægt með hann. Hann er með langan samning og er einbeittur að þessu verkefni.“