Arsene Wenger, fyrrum stjóri Arsenal, er að snúa aftur til starfa en hann hefur verið í fríi síðan í sumar.
Þetta staðfestir Emmanuel Petit, fyrrum leikmaður Arsenal en hann ræddi við Wenger fyrir stuttu.
Óvíst er hvaða starf Wenger mun taka að sér en það er útilokað að hann sé hættur í bransanum.
,,Nei hann er ekki að hætta. Hann mun taka við liði mjög fljótlega, já fljótlega,“ sagði Petit.
,,Ég ræddi við hann fyrir þremur vikum í Dubai, hann var þar ásamt vini mínum. Það eru sögusagnir um að hann sé að taka við Bayern Munchen.“
,,Sumir segja að hann sé á leið til Real Madrid en ég trúi því ekki. Sumir segja að hann sé á leið til PSG til að gerast yfirmaður knattspyrnumála.“