Unai Emery, stjóri Arsenal, var í stuði á blaðamannafundi í dag eftir leik gegn Manchester United í gær.

Marouane Fellaini, leikmaður United, fékk mikið skítkast fyrir brot á Matteo Guendouzi í síðari hálfleik.

Fellaini togaði þá í hár Guendouzi sem var með boltann en slapp við refsingu frá dómara leiksins.

Margir kalla eftir því að Belganum verði refsað enda er stranglega bannað að rífa í hár andstæðings.

Guendouzi er með ansi langt og þykkt hár og er Emery búinn að finna lausn á málinu.

,,Ég held að það besta í stöðunni sé fyrir Matteo að fara í klippingu og þá er þetta vandamál úr sögunni,“ sagði Emery léttur.