Hirving Lozano, leikmaður PSV Eindhoven, vill komast í ensku úrvalsdeildina einn daginn.
Þetta staðfesti leikmaðurinn sjálfur en hann hefur verið einn besti leikmaður PSV undanfarið ár.
Lozano hefur verið orðaður við lið eins og Tottenham og ætlar sér einn daginn að taka skrefið til Englands.
,,Ég vona að Guð gefi mér tækifæri í ensku úrvalsdeildinni einn daginn,“ sagði Lozano við ESPN.
,,Enska deildin er frábær. Það væri frábært að spila fyrir eitthvað lið þar en ég væri til í að spila fyrir stórlið. Ég vona að Guð komi mér þangað.“