Bournemouth varð fyrir miklu áfalli í dag en miðjumaðurinn Lewis Cook verður lengi frá vegna meiðsla.
Cook er aðeins 21 árs gamall en hann meiddist í 2-1 sigri á Huddersfield á þriðjudaginn.
Félagið hefur staðfest að strákurinn verði frá keppni í allt að níu mánuði eftir að hafa slitið krossband.
Það eru hræðilegar fréttir en Cook spilaði sinn fyrsta leik fyrir England gegn Ítalíu í mars.
Hann mun því missa af öllu tímabilinu og verður ekki möguleiki fyrir enska landsliðið í Þjóðadeildinni í júní.
