Erik Hamren, landsliðsþjálfari, hefur ekki rætt við framherjann Viðar Örn Kjartansson nýlega.
Viðar gaf það út nýlega að hann væri hættur með landsliðinu í bili en hann vill einbeita sér að sínum félagsliðaferli.
Hamren hefur sjálfur ekki talað við leikmanninn eftir þessa tilkynningu en Freyr Alexandersson ræddi þó aðeins við hann.
,,Ég hef ekki rætt við hann. Freyr hefur talað við hann en ég virði hans ákvörðun,“ sagði Hamren.
,,Ég vil að leikmenn mæti til leiks ánægðir og ef ánægjan er ekki til staðar þá er betra að þeir láti ekki sjá sig.“
,,Dyrnar eru alltaf opnar fyrir hann en þetta eru þeir leikmenn sem voru valdir í hópinn.“