Miðjumaðurinn öflugi Arnþór Ingi Kristinsson hefur skrifað undir samning við meistaraflokk KR.
Þetta staðfesti félagið í dag en Arnþór gerir tveggja ára samning við þá svarthvítu sem gildir til ársins 2020.
Arnþór er 28 ára gamall leikmaður en hann hefur leikið með Víkingi Reykjavík undanfarin fimm ár.
Arnþór hóf meistaraflokks feril sinn hjá ÍA á Akranesi en færði sig svo til Hamars og síðar Víkings.
Hann lék stórt hlutverk með Víkingum í sumar og lék alls 18 deildarleiki og skoraði í þeim fjögur mörk.