Neymar, leikmaður Paris Saint-Germain, var ekki heill heilsu í gær er liðið mætti Liverpool.
Brasilíumaðurinn greinir sjálfur frá þessu en hann var smávægilega meiddur fyrir leikinn og var óvíst með hans þátttöku.
PSG vann gríðarlega mikilvægan 2-1 sigur í París og skoraði Neymar annað mark liðsins í sigrinum.
Vængmaðurinn átti góðan leik fyrir heimamenn en var þó ekki búinn að jafna sig almennilega af meiðslum.
,,Ég var ekki 100 prósent heill í þessum leik en þetta var mikilvægur leikur svo meiðsli eða ekki, ég þurfti að spila,“ sagði Neymar.