Sigurður Egill Lárusson einn besti leikmaður Vals síðustu árin, fór undir hnífinn í dag. Þetta staðfesti hann í samtali við 433.is.
Meiðsli í ökkla hafa hrjáð Sigurð síðustu mánuði og var ákveðið að skera hann upp.
Þessi öflugi kantmaður fór undir hnífinn í dag en á að komast á fullt eftir tæpa tvo mánuði.
Sigurður hefur verið í liði Vals sem hefur unnið fjóra stóra titla á fjórum árum, tvo bikarmeistaratitla og tvo Íslandsmeistaratitla.
Sigurður sem er fæddur árið 1992, gekk í raðir Vals árið 2013 en samningur hans við liðið er á enda eftir næsta tímabil.