Virgil van Dijk, leikmaður Liverpool, var pirraður á velli í gær er liðið mætti Paris Saint-Germain.

Liverpool tapaði 2-1 í París og þarf nú að vinna Napoli 1-0 eða með tveggja marka mun í lokaumferð riðlakeppninnar til að komast í 16-liða úrslit.

Van Dijk var orðinn mjög þreyttur á mörgum leikmönnum PSG og ásakar þá um að henda sér auðveldlega í grasið.

,,Augljóslega eru þeir með heimsklassa leikmenn en ég held að það skipti ekki öllu máli á tímum,“ sagði Van Dijk.

,,Stundum fá þeir högg og fara í jörðina og oft þá er það of auðvelt og ég er að verða pirraður á því.“

,,Það er mikilvægt að halda haus en í hvert skipti sem við brutum af okkur þá hópuðust þeir að dómaranum og báðu um gult spjald.“

,,Við ættum að gera það sama í svona leikjum og gerðum það betur í síðari hálfleik. Ég er þó ekki aðdáandi.“

,,Við sýndum þeim virðingu því þeir eru heimsklassa leikmenn en það er oft ekki aðalatriðið.“